O Concerto de Entroido está organizado polo Departamento de Música e Movemento como celebración destas festas cheas de música, color e fantasía pero tamén para con moita historia e tradición que se intenta achegar aos máis novos. Un bo relato para contar aos nenos e que coñezan o motivo que nos leva a poñer unha máscara ano tras ano.

 

É importante que os nenos coñezan o sentido das cousas, o que lles servirá de gran axuda na súa aprendizaxe. Deste xeito, e co carácter máis lúdico, con máscara, música e bailes desenvolvese este Concerto orientado os máis pequenos da Escola.

 

Entre os obxectivos a acadar neste Concerto de Entroido son:

 

1. Descubrir e desenvolver as capacidades expresivas, creativas, musicais e motrices dos nenos.

2. Considerar a voz coma un medio de expresión por excelencia estimulando o contacto coas fontes sonoras a través de distintos instrumentos de percusión.

3. Propiciar situacións de aprendizaxe que favorezcan a motivación necesaria mediante as cancións, bailes ou interpretacións de percusión.

4. Considerar o movemento coma medio de expresión e sensibilización motriz, visual, auditiva e rítmica.