IX FESTIVAL DE NADAL

OUKLAR, cuarteto de recente formación creado por catro xóvenes clarinetistas de Ourense unidos polo seu pasado común, na etapa de formación académica, e as súas ganas de facer música xuntos.

Entre todos, engloban experiencias en ámbitos moi variados, pasando pola participación en numerosas bandas de música populares e profesionais de toda Galicia, ata a música de cámara máis intima, orquesta sinfónica, dirección de bandas e música contemporánea.

Experiencias que aportan unha intención de abarcar moitos estilos diferentes e por outro lado, ser capaces de transmitir e facer chegar ós oídos da xente, todas esas pinceladas de tan distinta procedencia e que tanto nos poden facer disfrutar.

Neste concerto nos farán viaxar un pouco por diferentes estilos e épocas, interpretando obras de compositores tan dispares como: Amilcare Poncchieli, Vittorio Monti, Astor Piazzolla ata voltar á terra có clarinetista e tamén compositor galego Simón Couceiro. Tamén nos achegarán á música popular de distintos recunchos do mundo.

INTÉRPRETES

Olalla Rodríguez López

Gerardo Barge Ferreiro

Javier Losada Araújo

Celso Nieto Rodríguez