O ESMUMA presenta a súa Axenda Artística para pechar o ano en Brión
O Concello de Brión, a través do seu Departamento de Música e o centro ESMUMA Música, Creatividade e Divulgación, vén de facer pública a súa Axenda Artística para o período comprendido entre setembro e decembro, correspondente ao curso 2026/2027. A programación, cargada de actividade musical, culminará co tradicional Festival de Nadal.

A continuación, detallamos os tres grandes eventos que marcarán o último trimestre:
1. Concerto da Banda de Música Municipal de Brión. A primeira cita será o sábado 21 de novembro. A Banda de Música Municipal ofrecerá un concerto especial conmemorativo na hora de Santa Cecilia. Terá lugar ás 12:00 horas no Pavillón Municipal de Brión.
2. Audicións do 1º trimestre. Do 30 de novembro ao 4 de decembro, o centro abrirá as súas portas ao público. O alumnado con especialidade instrumental do Plan Educativo Xeral traballará a interpretación en directo diante da audiencia. Haberá varios horarios e desenvolverase nas Aulas 1, 2, 3, 4 e 5 do centro. Ademais, o alumnado do PEA terá a opción de participar.
3. XIII Festival de Nadal '26. Do 16 ao 21 de decembro, a música encherá o concello para celebrar o final do trimestre cun repertorio especialmente pensado para o Nadal. Os eventos repartiranse entre a Sala Magariños e o Pavillón Municipal co seguinte programa:
Mércores 16 · 19:00 h: Agrupacións Corais (Conxunto Coral I, II e III) na Sala Magariños.
Sábado 19 · 19:00 h: Actuación da Banda de Música Municipal de Brión e o Coro Magariños no Pavillón Municipal.
Luns 21 · 17:00 h: Música e Movemento (1º, 2º e 3º) na Sala Magariños.
Luns 21 · 18:30 h: Música e Movemento (4º e 5º) na Sala Magariños.
Máis información
Para ampliar calquera información sobre esta axenda, as persoas interesadas poden contactar a través do teléfono 981 50 99 03, enviar un correo electrónico a esmuma@concellodebrion.gal, ou visitar a web oficial www.esmumagarinos.com. Así mesmo, pódese escanear o código QR dispoñible no cartel informativo.
Esta programación conta coa subvención da Deputación da Coruña e a Xunta de Galicia (Consellería de Educación, Ciencia, Universidades e Formación Profesional).






Comments